نیا سال

 کون جانے نیا سال 

خوشی کی نوید لائے

 یا کالی راتوں کے گہرے سائے

اپنی اپنی صدا کے پتھر 

چپ سمندروں کے منہ پہ مارو

کہ روشنی کو جمود ٹوٹے

ساحلوں کا سکوت ٹوٹے۔

 نیا سال اس ا مید کہ ساتھ شروع کریں کہ اس دفعہ  وہ تمام کام 

جنہیں ہم دوسروں میں نہیں پسند کرتے وہ ہم بھی نہ کریں ۔اس سال ہم منافقت کو چھوڑ کر راست خیالی اور راست بازی کو اپنائیں گے۔ اس سال ہم اپنے دکھوں  کی کہانی سنانے کی بجائے دوسروں کے دکھ سنیں گے۔ لوگوں کو ان کی غلطیوں پر کونسے کی بجائے من کی آنکھ سے من کی غلطیوں کی اصلاح کریں گے۔ 

دنیا سے کم کی امید رکھ کر اس کو زیادہ دیں گے۔ وہ چاہیے علم ہو، دولت ہو، وقت ہو، یا آپ کے پاس مردوں سے رکھی کوئی کتاب۔ 

اپنی ذاتی کے سرورق کو ضرور پڑھیں گے تاکہ خود کے اندر گم ذات کا ادراک کر کے اپنے اندر سے وہ تقوی نکال سکیں جو خالق کائنات نے ہمارے دل میں القا  کیا ہے اور اس فجور  کی سرکوبی کر سکیں جو ہمیں راندہ درگاہ کر سکتا ہے۔

آئیں ان تمام برائیوں سے بچیں جو ہم دوسروں میں نہیں پسند کرتے لیکن ہم میں وہ موجود ہیں۔ حسد ، بغض، کینہ، عدم رواداری، عدم برداشت۔ آئیں دوسروں کو ٹھیک کرنے کی بجائے خود کو ٹھیک کریں۔ صداقت ، دیانت ، محبت کا سبق خود پڑھیں۔ مذہب کو  

دو

سروں کی عینک کی بجائے کتاب الہی میں ڈھونڈیں۔

آئیں اپنی خاموشی توڑیں اور ایک ایسا جہاں تشکیل دیں جہاں دکھ درد بانٹنے والے لوگ بستے ہوں، جس جگہ معاشی ،سیاسی، خانگی، سیاسی، ذاتی زندگی کسی خاص فرقہ کے اصول پر نہیں آفاقی اصولوں پر ہو۔